Kampulo kaj cikonio
Kampulo instalis multajn
retojn sur la kampoj ĵus semitaj. Kaptiĝis multaj gruoj, kiuj ŝtele bekis
semojn, kaj ankaŭ cikonio, kies piedo rompiĝis de la reto. Ĝi petegis al la
kampulo, "Pardonon al mi. Montru kompaton al mi. Mi ne estas gruo, sed
cikonio kun milda naturo. Jen vidu, kiel obeema mi min montras al miaj
gepatroj, kaj kiel diligente mi laboradas por ili. Rigardu mian plumaron tute
malsaman ol tiu de gruo."
Ridegante, la kampulo diris,
"Eble vi pravas, sed mi nur scias, ke vi estas kaptita kune kun la gruoj,
kiuj ŝtelmanĝis miajn semojn, tial vi devas esti mortigita kune kun ili."
"Oni neniel amikiĝu kun
malbonuloj."
No hay comentarios:
Publicar un comentario